政情：李文斌投黑松露撐仁濟
仁濟醫院前晚舉行周年慈善餐會，仁濟主席以至一班總理雙雙對對做善事，除咗有影皆雙嘅副主席李文斌（Edmond）同太太Amanda外，就連平時低調嘅主席董吳玲玲夫婿董中浩都出鏡力撐珠光寶氣嘅太太。
Edmond未上場已滿腹大計，計劃搞安老院、牙科診所等，佢話，當年Amanda參加仁濟每年一度嘅「海外學生仁濟夜」，同當時仲係總理嘅李文斌邂逅，有個咁浪漫嘅開始，難怪佢對仁濟咁上心喇。呢一晚，佢哋慷慨解囊，Edmond以八萬元投得一公斤意大利冬季黑松露，董吳玲玲捐出嘅全球限量版「Chateau Mouton Rothschild 2000」，最終亦以二十八萬元成交。成個晚會共籌到二百九十萬元，真係濃情又開心！
李文斌同太太Amanda由相識到誕下愛情結晶，同仁濟分不開。
左起：李文斌、楊立門、董吳玲玲、朱繼陶齊撐仁濟，可惜楊立門未能開金口籌款。
意大利冬季黑松露