‧打你個財爺頭，打到你爛鬼預算快早抖，即刻掉落廢紙兜！
‧打你個財爺眼，中產眼紅兼眼坦，退稅減稅大大喊！
‧打你個財爺耳，日日耳鳴難制止，財政預算一舊屎！
‧打你個鬍鬚口，等你有氣無碇抖，食粟米斑飯都想嘔！
‧打你個財爺手，唔識派錢似小偷，港人無鞋挽屐走！
‧打你個財爺胸，民意反映唔暢通，蟻民講嘢當耳邊風！
‧打你個財爺肚，強迫金要人等到老，司法覆核畀人告！
‧打你個財爺腳，等你腳痛下台唔續約，人人上街唔使約！
來源：關注公帑運用團體「107動力」