政情：陳祖澤免費搭巴士代步
早前喺中環德輔道中近砵典乍街見到馬會前主席阿John陳祖澤挽住公事包，行去九巴104號巴士站搭巴士，步上巴士時即向車長出示證件，然後步入車廂，見佢非常禮讓，主動企埋一邊畀其他乘客上巴士上層，然後自己就企喺車門旁邊，握緊扶手。
記者上前同佢打招呼，佢主動話︰「我成日都搭巴士o架啦！」問佢近況如何，佢笑笑口咁話都係咁啦，得閒就入吓馬場囉！佢係九巴前董事長，依家轉任九巴非執行董事，亦係路訊通集團（RoadShow）董事會主席，所以至今仍擁有九巴免費乘車優惠，隨住近年工作減少，每當一個人外出時，巴士成為佢主要代步嘅交通工具。不過，如果同太太同行嘅話，點都會開私家車等太座舒服吓嘅！
陳祖澤西裝骨骨挽住公事包，一個人喺中環砵典乍街104號巴士站等車。
陳祖澤讓出主要通道畀乘客上巴士上層，非常禮讓。