政情：校友盆菜宴撐聖心籌款
已有一百五十年歷史嘅嘉諾撒聖心書院為咗籌款改善校園設施，尋晚特登搞咗個籌款盆菜宴，全場衣香鬢影，非常熱鬧。活動搞手、電視廣播有限公司國際業務總經理陳碧鏵話，晚宴只係一連串籌款活動之一，單係尋晚就已經籌到接近二十萬元，仲可以畀到機會老、中、青三代校友共聚一堂，成績都算滿意。
陳碧鏵話自己有今時今日嘅成就，全部都係拜母校悉心栽培，現時母校有需要籌款，做舊生自然要義不容辭企出嚟幫手啦！佢透露，學校成個改善工程需要二千萬元，由於之前已搞咗幾次籌款，加上一個唔想出名嘅善長大手捐出一千萬元，距離目標只差五百萬元左右，好有信心達標喎！
陳碧鏵（左）同鍾麗幗（右）兩位知名校友都出錢出力為母校打打氣。