齊聲呼籲上街
同根社(婦女團體)
‧只向本港永久居民派錢,是打壓及分化中港婚姻婦女,財爺不負責任,要落台。
青年聯社(青年團體)
‧派六千元是侮辱的做法,等同掩口費,叫人唔好上街遊行,分化十八歲以上及以下青年。
天主教勞工事務委員會(宗教團體)
‧預算案是對人性尊嚴的踐踏,由無改善空間到大幅度改變是兒戲,沒有關心基層。
職工盟(勞工團體)
‧預算案派六千元只是小恩小惠,唔夠一、兩個月使晒,問題會再返嚟。
基層發展中心(基層團體)
‧根本無心幫市民,推新方案係受壓下的做法,亦無肯定新來港人士的勞動價值。
民主黨何俊仁
‧要行出嚟,話畀曾俊華聽我哋唔收貨,話畀佢聽我哋要長遠規劃、要有關懷嘅預算案。
公民黨梁家傑
‧預算案四日內被推翻,好似玩泥沙咁,曾俊華仲有乜治港理念?佢唔交代就叫佢問責下台。
公民起動何秀蘭
‧預算案超光速跪低,但無長遠嘅扶貧措施,大家要帶埋道具出嚟,一齊怒吼預算案!
職工盟李卓人
‧曾俊華一夜間由孤寒財主變成敗家仔,大家要同佢講,我哋唔要掩口費,唔要咁嘅財爺。
人民力量陳偉業
‧新移民、十八歲以下嘅人未受惠派錢,煙民對加煙稅又好嬲,憤怒嘅市民星期日都應出嚟!