喺煲呔曾前晚突然漏夜去醫院驗傷後，立法會尋日休會辯論針對公職人員嘅暴力行為，但言談間惹嚟好多笑話。
好似廠商會嘅立法會代表林大輝發言時話：「如果打人有用，我第一個打陳家強，打完心口打背脊，打到佢遍體鱗傷！」此話一出，全場爆笑。點解咁好笑？事關大輝同傻強因為《稅務條例》39E已經多次開火，大輝周不時都搵機會炮轟傻強，勢估唔到大輝憎人憎到出晒面，又畀佢搵到位入，扯埋傻強落水。
林大輝
陳家強
