曾蔭權一拍兩散

【本報訊】在巨大民意壓力下，死撐幾日的曾俊華終於一改早前「無修改空間」的企硬姿態，大轉軚式派錢兼退稅。有學者指曾俊華這次開下壞先例，長遠勢加深香港的深層次矛盾。有建制派議員更質疑，曾蔭權政府故意為下屆政府留下管治爛攤子，任由「民粹」滋生，後患無窮。

管治威信掃地

保險界代表陳健波昨與曾俊華會面時質疑，曾俊華曾多次堅稱預算案不可隨便改動，轉個頭卻派錢兼退稅，如何自圓其說？曾俊華僅稱：「最緊要處理咗今次事件先。」有建制派議員則私下質疑，港府由守財奴一變「派得仲豪過政黨嘅要求」，為下屆政府造成政治壓力，這種「一拍兩散」處事手法極似曾蔭權的性格和作風，質疑曾蔭權政府故意留下管治爛攤子給下屆政府：「依家市民慣咗有錢派，下屆政府如果唔派，就會被呢個政治炸彈炸死！」

城大專業進修學院學術統籌宋立功指出，曾俊華「今日的我打倒昨日的我」，雖可減少上街示威的人數，但卻開下壞先例，賠上港府的管治威信及公信力，亦等如鼓勵市民做「逆民」：「張建宗喺交津方面已經畀人剝光豬，今次曾俊華又畀人剃晒鬚，令人覺得成個政府都好糊塗！」

中大政治行政學系高級導師蔡子強表示，今次事件顯示只要公眾有足夠壓力，便可以迫使政府「跪低」，相信派錢不但未能贏得民意尊重，反而換來市民的輕視，官員今後施政會更困難。