政府唔打唔得 錢照拎街照上

【本報訊】港府「跪低」，市民袋錢，結果卻可能是「錢照拎，街照上」！民間對港府昨日忽然大轉軚反應不一，有市民認為政府終於肯聽取民意，亦有大批網民批評當局「冇遠見」，認為派錢只屬落後國家做法，鼓勵社會不勞而獲的風氣。更有人大罵當局未能正視民意，漠視要求復建居屋及全民退休保障等問題。

市民續於討論區及網上群組炮轟曾俊華及預算案補鑊方案，有網民支持派錢，並將事件與曾蔭權遇襲扯上關係，認為「社民連勇士成功爭取政府投降」，怒罵政府「唔打唔得」。但仍有人認為當局依舊漠視民意，網民Lai King Wai稱：「要求復建居屋、設立全民退休保障，你聽唔聽到呀？」

「冇遠見，斬腳趾避沙蟲」

網民Kitty Wong認為政府屈服派錢，只因害怕市民上街，卻對深層問題視而不見，「根本唔係有心反省，斬腳趾避沙蟲！」有人更指預算案收集意見逾半年，卻可於數日內改頭換面，做法兒戲，「冇遠見，冇解決真正問題，過得一日得一日！」有網民擔心此舉鼓吹不勞而獲，「破壞社會風氣，呢個政府簡直不知所謂。」

有網民更認為，派錢只屬落後國家做法，痛斥財爺「無腦無長遠政策」，憂心十年後香港會成為落後地方，又呼籲市民三月六日繼續上街，一於「錢照拎，街照上」！