政情：馬景煊唔吼賣奶粉商機

奶粉荒令全城師奶陷入恐慌，早前喺一個酒會撞到百年老店先施百貨第三代傳人兼董事總經理Philip馬景煊，佢自爆早排見奶粉咁好賣，連內地人都落嚟搶購，就好認真咁研究喺先施賣奶粉得唔得，結果發現其實奶粉錢唔易賺，毛利好少，如果擺喺先施賣，吸引人流入場就得，但實質落袋嘅利錢就好少喎！結果都係打退堂鼓嘞。

轉頭見Philip太太Vera嚟到，佢手挽紅色Clutch靚袋，袋扣鑲咗塊好搶眼嘅玉石，佢話係喺外國買嘅。

馬景煊夫婦齊齊省靚先施百年招牌。