政情：蔡關穎琴潑老公冷水

身兼全國政協委員嘅中華總商會會長蔡冠深早前提出，希望中央考慮畀港人申請護照，呢個創意無限嘅諗法觸動唔少捍衞一國兩制人士嘅神經。幾日後喺酒會度見到蔡太關穎琴，問佢老公有冇受到好大壓力，佢思索一陣話：「冇聽佢呻喎！」咁蔡生拋出呢個議題之前，有冇問過佢呢位律師太太嘅意見呢？蔡太聽完直話直說：「冇，如果佢問我，我實話會引起好大爭議，不如唔好提啦！」

蔡太（左）同港區省級政協委員聯誼會常務副會長陳清霞都係律師。