政情：曾憲梓生日收大支票

前全國人大常委曾憲梓早前喺屋企慶祝七十七歲生日，請咗班好朋友一齊開心。曾家三兄弟智謀、智雄同智明夾份送張支票畀爸爸，金額係九萬九千九百九十九蚊，寓意「長長久久」。曾老收支票梗係開心啦，仲透露三個仔每年生日時，佢都向佢哋送上五十萬蚊做禮物，幾兄弟隨即賣口乖氹老父，話希望下次壽禮由九十九萬九千九百九十九一路上。

曾老嘅大孫女凱栭、明星新抱黎瑞恩同智明嘅大女，就畫咗張賀卡祝爺爺多福多壽。智明則將珍藏咗幾十年嘅茅台酒攞出嚟大家分享，人人盡興而回。

Money18 新功能「18好路數」為你預測心水股票升跌機會率

曾家三兄弟夾份送張大支票畀爸爸，站立者左起為智謀、智雄同智明。

黎瑞恩對仔女同佢成個餅印，大女凱栭仲親手製作賀卡為爺爺祝壽。