做咗媽咪嘅陳晴更醉心兒童工作，佢尋日以聯合國兒童基金會香港委員會主席身份，出席中國兒童周小畫家大夢想繪畫比賽時，透露九三年到依家，中國兒童周已籌得逾八千三百萬元善款，幫助咗唔少內地兒童，嚟緊佢都會返內地同去國外探訪兒童。
陳晴好友、中總副會長方文雄都嚟撐場。佢最近斥資近四十萬，喺佢家族旗下物業開咗間工作室，除咗畀年輕人塗鴉，仲有導師教導，佢希望可以將呢種文化普及化。以創意招數引導年輕人，不失為一種好方法。
陳晴搞大騷，好友方文雄當然要撐場。
