商界名人紀文鳳尋日出席一個活動，講起小時候嘅夢想，透露咗一個喺潮州家庭成長嘅女仔小故事。佢話出世前個個都以為佢係男仔，家人亦幫佢改名叫「文龍」，點知出世先知係個女仔，於是紀文龍亦變咗紀文鳳。
龍轉鳳雖然係一字之差，但潮州人重男輕女，佢細個一直為自己係女兒身而內疚。童年嘅紀文鳳夢想做畫家，讀小學第一張貼堂作品，係畫代父從軍嘅孝順女花木蘭。點解？或者佢心裏面都有個易衩代父從軍嘅夢啩。自細熱愛畫畫嘅紀文鳳之後投身廣告業，因為佢夢想做畫家，之後喺廣告界同商界闖出另一片天空。