都市人生活緊張，點先可以保持容光煥發？日前博愛醫院一眾總理喺觀塘康寧道遊樂場出席第一屆「博愛醫院中醫中藥保健安康日」時，人人都分享秘方，愛靚嘅人真係要留意喇。
主席黃帆風獲太太、囡囡同埋外孫現身支持，佢自爆一個禮拜會飲兩次自己煲製嘅靈芝、果皮同蜜棗水，笑言可以清腸胃、除痰，仲keep住皮膚靚靚添！秘訣係朝早空肚飲，佢已飲咗十幾年，難怪面色咁紅潤。博愛總理彭少衍就日日啪兩粒蟲草同靈芝孢子膠囊，貪夠滋補養氣。
黃帆風夫婦同囡囡、外孫齊現身，一家樂也融融。
