杜汶澤避嫌斷聯絡

【本報訊】梁洛施於娛樂圈內的知心朋友不多，其中三名廣為人知的好友不是表示不知情，便是拒作回應，並對事件大表震驚，但相信來自單親家庭的梁洛施懂得如何照顧三名年幼兒子。

身為梁洛施老師的詹瑞文坦言事件實在太震驚，自己完全沒有想過。他說：「之前佢先傳來喜訊，（是否感到可惜？）要了解咗件事係點先，依家佢發嘅聲明已清楚表明，會由兩個人去照顧三個小朋友，係一件好事。每個人嘅人生都有自己嘅選擇，之後仲有好長嘅路要行，作為朋友都會支持佢。」

慨嘆世事無常

至於好友杜汶澤昨晚與太太出席梁詠琪演唱會時，對於事件表示全不知情 ，只從記者口中得知，因為過去不斷有記者致電給他查問梁洛施的近況，所以為了避嫌，惟有選擇放棄跟梁洛施聯絡。他坦言：「我怕有啲乜嘢消息漏咗出嚟，大家會懷疑源頭係我，依家聽到呢個消息，我都唔會打電話去關心，反正佢咁大個人，如果有需要，佢應該會自己打嚟搵我！」

杜汶澤又指此事只可以慨嘆世事無常，緣起緣滅，反正戀人之間的關係，不是旁人可以理解。杜汶澤又謂：「我唔擔心今次事件會對三個小朋友嘅成長造成傷害，事關我都係喺單親家庭長大，依家咪一樣肥肥白白。梁洛施本身都係嚟自單親家庭，相信佢會有足夠經驗去處理呢件事。」至於現正身在米蘭的楊紫瓊則透過助手表示沒有回應。