SUN世代：當選傑青玩Surprise

家有補習名師，讀書唔叻都變尖子。黃卓健英文了得，原來，他的啟蒙老師是其胞姊、任職大型補習社的英文名師Mia Wong！不說不知，黃卓健小時候成績不佳，中英文長期不合格，至中二仍未背熟A至Z的次序：「細個父母忙住打理菜檔，冇人逼我讀書，好彩家姐由細到大都好叻，佢幫我補習英文㗎，最後我由全級一百八十幾，進步到全級二十幾，當年最佳進步獎係我攞。」

讚妻細心勤力

黃卓健除了有個叻家姐，還有一個好太太！他引述《論語．學而篇》的「溫、良、恭、儉、讓」以形容她：「佢真係好好，唔愛名牌、細心、超級勤力，每朝幫我揀衫、擠牙膏。」

他的太太是一名家庭醫生，黃卓健形容她是「醫咳聖手」，醫治不少久咳不愈的病人，可是卻因一次醫不好丈夫而鬱鬱不歡：「傑青面試時，我咳得好嚴重，太太好畀心機醫我，之後佢見我個傑青咁耐都冇消息，就以為係因為醫我唔好而累到我唔成功！」事實卻不然，他笑說：「原來我係最後獲通知嗰個，仲咁啱喺結婚前幾日通知，我特登唔話畀太太知，等到結婚嗰日畀個驚喜（surprise）佢！」