全國政協委員施子清多年嚟累積無數書法作品，亦多次借出墨寶參展，尋日佢喺城市大學舉行「翰墨神飛」書法展，展出七十幾件珍藏書法作品。開幕禮有近百名嘉賓撐場，當然唔少得認識多年嘅中聯辦副主任李剛啦，李剛仲爆十四年前同施子清墨寶結緣。
李剛話當年任職國家文化部時，施子清做緊全國工商聯副主席，有次佢透過一個朋友收到施子清嘅墨寶，一睇就知係非一般書法。佢大讚施子清嘅書法集百家之長，創出個人獨特風格，行文流暢，絕對係大書法家之作。
李剛（右）大讚施子清（左）嘅書法有個人獨特風格。
