畏高男四樓跳下嗌痛

【本報訊】畏高廚工聲稱生無可戀，昨晨在北角飲酒壯膽，準備跳樓自殺時，預先Call定白車，又因畏高不敢在九樓天台跳樓，竟走落四樓跳下，剛跌落路邊排檔頂再反彈墮地，他受傷大嗌：「好痛呀！」經送院急救後情況穩定。

自殺call定白車

姓謝青年（二十一歲）居住春秧街，報稱任職廚工。昨晨四時許，謝與友人飲酒解悶後，未有返回寓所，獨自登上大廈九樓天台徘徊，並致電報警稱：「我依家要跳樓，你哋叫定白車嚟啦！」警員追問其位置時，謝疑醉酒無明確說出位置，一時說在春秧街街頭，一時又說在街中間，其後又改口稱在街尾。

警方及消防員趕至，謝已在春秧街一幢唐樓的四樓走廊跳下，跌落路邊排檔頂部再彈落地面，疑因排檔卸去不少衝力，謝傷勢不重，仍能不停高喊「好痛呀！」救護員為他包紮時，謝又向在場警員說：「我好唔開心，想死！」且透露原本打算在大廈九樓天台跳下，但承認自己怕高，「好驚，唔敢喺天台跳落嚟」。謝送院治理後情況穩定。