短打長擊：星財赤大派錢 港水浸拒扶貧

新加坡日前公布二○一一年預算案，去年赤字為三億坡元，較預期三十億坡元為少。雖然見紅，政府仍推出各項利民紓困措施，如兒童培育補貼、大幅下調個人所得稅等，通脹肆虐下，八成國人受惠，最多可得八百坡元。

反觀香港，一眾高官「飽漢不知餓漢飢」，鬍鬚曾年年估錯收支，今年盈餘料有八百億港元，加上約六千億港元儲備，鬍鬚曾仍然多番表明預算案不會大幅「派糖」，在網誌廢噏「善用儲備」，說甚麼不認同「官富民窮」，歪理成串，令人火滾。

唔怕貨比貨，最怕不識貨。新加坡與香港政府，邊個真係「以民為本」，邊個真係「民心我心」，邊個真係「執政為民」，邊個發揮「關愛文化」，不是很容易看得出來嗎？

高官如勞福局局長張建宗之流，一個交津計劃已睇到佢幾咁涼薄。佢貴為「樓王」局長，其利益申報有八項物業，又住宅又舖位收租，正一打跛腳唔使憂嗰隻，但係佢竟然話「二人家庭每月入息上限一萬蚊已經唔算低」，「樓王」局長仲話：「如果兩公婆都有工做，賺到最低工資，已經唔可以話係窮人。」如果咁涼薄嘅話都成立，咁香港唔單止冇窮人，鬍鬚曾不認同「官富民窮」自然十分有道理，甚至可說成「官富民也不窮」。

財政預算案公布在即，如果見不到針對性幫助基層的措施，一眾高官依然拔一毛以利百姓而不為，依然剛愎自用，依然廢噏儲備愈多愈好，在一片民怨沸騰下，由得裝滿財物寶貨的列車奔馳，最終必定車毀人亡！