SUN世代:曾墮信用卡魔爪 明白理財重要

形容自己「內地生產、香港加工、出口美國、回流內地」的Andy，在上海出生，母親張澤瑂原是大戶千金，張氏祖父張石銘是上海大亨，但內地解放後財富被充公，故Andy小時候家境並不富裕。後來父母離異，他七歲隨母親來港，兩母子相依為命，生活艱苦。「最初嚟到香港好唔慣，好記得第一日返學，乜都唔識聽，喊住咁走。」他在培正唸至中五，會考後到美國投靠父親，半工讀完成紐約州立大學會計系學位，並以一級榮譽畢業。

「唔辛苦點得世間財」

投資眼光準確，他謙稱只是運氣好：「七分靠運氣，三分靠經驗。」數口精並非一朝一夕練成，他也曾跌入信用卡魔爪，「讀大學嗰陣欠五、六張卡數，只還min pay（最低還款額），後來發現還五十年都還唔完，於是的起心肝清卡數，自此明白理財好重要。」

曾經歷一日幾千萬美金上落的日子，現在人成熟了，他明白「唔辛苦點得世間財」，購物變得精打細算，「例如同太太睇中BB床同BB用品，喺香港買會貴好多，我寧願上網自己訂。」下月榮升父親的Andy笑說。