政情：江素惠做「源」名譽顧問
日前見到香江文化中心主席Susie江素惠喺中環置地廣場地庫嘅日本餐廳賀菊（KIKU）食午飯，同枱仲有高檔中式服飾品牌「源」（Blanc de Chine）嘅創辦人楊秉堅，原來兩人相識多年。
好少公開露面嘅楊生，當日着住自家品牌中山裝外套，襯埋自製嘅帆布側孭袋，有型有款，可惜佢繼續奉行低調，唔肯出鏡。原來，楊生最近搵咗Susie做「源」嘅名譽顧問。
至於Susie就極力推介賀菊嘅三文魚子手卷，佢哋揀選日本最頂級三文魚子，再以獨特醬料醃製，咬落粒粒飽滿又冇腥味，夠晒清甜鮮美。
