政情：田少初生孫女腳頭好

香港旅遊發展局主席田北俊喺新正頭又抱孫！孫女上禮拜四出世，腳頭認真好，帶挈爺爺贏馬。

田少愛駒「風雲武士」近期狀態大勇，繼初三勝出頭馬後，尋日喺沙田馬場出賽，田少冒寒入場打氣，落注一萬蚊捧愛駒場。臨開跑前，佢一支公去馬會餐廳歎番個豐富午餐，柯打海南雞髀飯、北芪黨參燉乳鴿湯同凍奶茶，食得好滋味。

醫飽肚後，田少同黨友立法會飲食界議員張宇人一齊撐愛駒場，大熱嘅「風雲武士」最後跑第二，算有交代啦。

Money18 新功能「18好路數」為你預測心水股票升跌機會率。

田少品嘗馬會餐廳嘅海南雞髀飯，大讚好味。