政情：喜運佳蔡志明一拍即合

有二十三年歷史嘅喜運佳鐘錶突然聲名大噪，事關收藏無數靚錶嘅「玩具大王」蔡志明將佢收為麾下，成為城中熱話。前日喺酒會度見到有份湊大喜運佳嘅股東兼常務董事梁青華，佢話即使好多投資者有興趣收購喜運佳，但一班舊股東最終一致同意蔡志明係最佳策略夥伴。

華哥爆料話，佢哋一班舊股東同蔡志明相識二十幾年，大家都好佩服佢經營事業嘅魄力，為人又好和善。因此就算唔少人表達興趣話要收購喜運佳，舊股東都係認為蔡志明最適合，佢哋正打算大張旗鼓開疆闢土，大家拭目以待啦！

Money18 新功能「18好路數」為你預測心水股票升跌機會率。

梁青華睇好內地客消費力，集團將喺廈門一次過開六間專門店。