食肆封路拍烏蠅賽後做到冇停手

【本報訊】渣打馬拉松需要封閉及改變多條主要幹道流向，不少食肆投訴生意大受影響，有食肆負責人在長跑期間大吐苦水稱生意大跌兩成，但亦有食肆大喊好彩，因大批參賽者跑畢馬拉松後到銅鑼灣區食肆光顧，反帶旺了生意。

馬拉松比賽昨凌晨開始，運輸署實施多項改道及封路措施，警方在灣仔及銅鑼灣多個交通燈位控制途人過馬路秩序。謝斐道近灣仔區一帶在封路期間「人影唔多隻」，不少食肆更沒有開門營業。近銅鑼灣一帶照常營業的食肆則「拍烏蠅」，有車仔麵店的職員稱，昨日比賽期間，生意「靜過鬼」，食客只是平常周日的一半。維園附近的糖街一粉麵餐廳男性負責人埋怨，昨日的封路措施迫使他落車後要繞路才能回舖頭開檔。

但糖街另一茶餐廳的負責人昨午反指，不少參賽者完成比賽後疲倦，即時往附近食肆「醫肚」，間接帶動了生意較平時的周日上升兩成，職員做到停不了手。