City Parade：兔年甜蜜蜜

今年正月十二係西方浪漫情人節，仲係新正頭嘅良辰吉日，兩大慈善團體保良局及東華三院不約而同揀當日喺自己總壇團拜。兩個組織事前冇夾過，咁蹺揀正早上吉時上香拜神。儀式後，兩家董事局成員向職員大派利是，祝願大家事事順利。匯聚城中富豪嘅中華總商會，上周五喺君悅舉行新春酒會，近千嘉賓齊集，互相恭賀。

東華迎春

陳文綺慧有個浪漫老公

東華副主席陳文綺慧讚老公浪漫，每年情人節都有驚喜。

東華高層恭賀有情人

東華李鋈麟總理與主席梁定宇揀情人節同大家拜年，祝願大家甜蜜蜜。

中總酒會

蔣麗芸曾智雄喜相逢

著名工業家蔣震千金蔣麗芸與金利來太子爺曾智雄難得碰頭，當然來張合照。

名人雲集畀面派對

中總副會長方文雄、港區全國人大代表王敏剛、立法會議員林健鋒、保安局局長李少光、中總榮譽會長霍震寰及立法會議員梁君彥，齊舉杯賀新春。

馬清鏗型仔有妙「髮」

前東華主席馬清鏗聽家姐話將白髮染黑，身旁嘅馬會行政總裁應家柏都讚佢型仔。