尋日喺一個新春酒會見到近年退居幕後嘅堪輿家蔡伯勵，今年九十歲高齡嘅佢依然精神奕奕。埃及局勢紛亂，影響中東局勢，香港又面對高通脹，樓市股市高處不勝寒，乘機叫蔡大師贈普羅市民兩句，佢好淡定咁話投資者唔使怕，香港經濟點都唔會太差。
蔡大師又同大家分享養生之道，原來佢每朝早做半個鐘運動，包括耍太極、郁吓手腳，然後先至食早餐，難怪佢咁精靈，依家曾孫都已經幾歲大，四代同堂羨煞旁人。
蔡伯勵（右）現身，身體抱恙嘅立法會議員梁劉柔芬上前打招呼，病意全消。
