早前申請退出國家隊嘅跳水公主郭晶晶，究竟幾時同全國政協委員霍震霆長子霍啟剛拉埋天窗，已成為城中最熱門嘅話題。
呢排大大小小新春團拜酒會多到爆晒燈，新年流流，最開心就係聽到有喜事，所以霍家幾兄弟公開露面例必被追問呢個問題，相信係佢哋今年最開心嘅煩惱。未來老爺霍公子、未來新郎啟剛，甚至未來大叔霍震寰都已經公開回應過，尋日就輪到未來二叔霍震宇。
喺一個新春酒會撞到霍震宇，問起有冇收到喜帖？佢笑得好燦爛，有話直說：「未收到喎！」睇嚟大家要再畀啲耐性等吓嘞！
霍震宇笑住話未收到啟剛嘅喜帖。
