「情人節大晒咩？」居民悉真相火滾

【本報訊】長亨邨居民在剛過去的周一度過了難忘而難捱的情人節，原本屬於情人節的溫馨，卻變成捱冷受苦輪水，事隔幾日，居民仍一肚氣。陳先生當晚接近十一時仍在輪候食水，雖近深宵，輪水的人龍卻一度多達數十人，居民當時一直不知道水務署遲遲未能派出水車的原因，昨得悉真相乃因為職員拒絕處理突發事件，即時無名火起三千丈：「情人節大晒咩？話唔做就唔做，啲渠一定喺辦公時間爆嘅咩？」

水管爆裂後，陳先生一直不見水車駛至亨緻樓一帶，亨緻樓和亨業樓的居民只好使用附近的消防喉取用食水。他憶述，當晚排隊取水的居民絡繹不絕，惟因在消防喉取水的效率始終不及水車，加上當晚天氣寒冷，輪候的居民無不怨聲載道。

「個個電話都冇人聽」

當區區議員雷可畏直言過了最難忘的情人節，批評水務署的安排極為混亂，管理公司傍晚五時許已通知他食水喉爆裂，遂即時嘗試聯絡各政府部門，他亦曾嘗試聯絡當區民政事務專員，可惜不得要領：「個個電話都冇人聽，係唔係情人節趕住放工呀？真係好過分，又話急市民所急，原來得個講字！」

雷可畏稱，水務署首輛水車晚上八時許才抵達，當時大部分居民都已等得極不耐煩，由於只得一輛水車，亨緻樓和亨業樓兩座的居民始終未能獲供應食水，怨憤更甚：「連我都畀啲居民鬧到差啲想喊，不過我明白居民感受，邊個估到水務署會咁好笑，啲員工竟然拒絕奉召到場吖！」