城中好多人都鍾意趁過年假期外遊，咁啱呢個冬天特別凍，所以好多人揀咗去泰國過一個暖笠笠嘅新年。日前喺一個活動上，見到百仁基金主席施榮忻，佢透露新年期間去咗泰國旅行，結果曬得一身陽光膚色。
另一邊嘅中總會長蔡冠深太太蔡關穎琴都話，呢個新年亦去咗泰國，不過，佢嘅節目更精彩，就係驗身兼度假嘞。佢仲話，呢次係幫襯前行政會議成員陳智思家族喺曼谷開設嘅豪華醫院，佢份驗身報告好快搞掂。蔡太咁開心，唔使問梗係身體Fit到極啦。
百仁基金主席施榮忻（右）同爸爸施子清（左）新年遊泰國，曬得一身陽光膚色。
蔡關穎琴（右）新年遊曼谷順便驗身，蔣麗芸（左）就陪老公逛內地動物園。
