政情：高永文激讚潮州蕉柑

潮州商會尋日舉行新春團拜，會長陳幼南同爸爸陳偉南一早到場迎接鄉親。商會準備咗潮式餅糖糕點招呼大家，又有靚靚嘅潮州柑，身兼香港防癌會主席嘅高永文勁讚潮州特色綠豆糕清甜唔膩，係潮州食品嘅一絕，但佢嘅至愛都係潮州柑，仲左手拎住個柑、右手大啖綠豆糕，童心未泯個樣勁搞笑。佢話鄉下有種「蕉柑」更加好味，可惜香港冇得賣，下禮拜返內地開會，到時要買一大箱返嚟喎。

Money18 新功能「18好路數」為你預測心水股票升跌機會率。

高永文右手拎糕食、左手揸柑，猛話好好味。

潮人團拜，又點少得潮商永遠名譽會長莊學山（左）同陳偉南（右）呢。