立法會資訊科技界議員「IT豪」譚偉豪喺日本長野避年後返港，佢話今次一家人去到東京，個個都嫌當地天氣太熱，決定轉戰長野，享受零下十度觀雪嘅滋味，仲令佢有機會一睹長野獨有嘅野生猿猴廬山真面目添！
IT豪一家人去咗長野縣下高井郡山嘅地獄谷野猿公苑，佢話野生猿猴好精靈，見佢哋浸泉仲歎過人去浸，但可惜當地政府為保護猿猴嘅生活環境，只可遠觀，如果唔係，可以齊齊浸浴觀雪一定好過癮。