SUN世代：慈善家爸爸係「非常外父」

走進和富集團的寫字樓，所到之處均有名人好友送贈李宗德的墨寶，包括國家前副總理錢其琛的「安居樂業」，李美辰在旁解釋：「題字本來細啲，李生（父親）覺得有意思，就放大咗掛喺門口。」記者甫來到會議室，即見「和富」、「正氣」匾額懸掛牆上，反映李父處事之道。善解人意的李美辰說：「家和國富，我都好鍾意『正』字，兩個仔個名亦有『正』。」

李美辰育有五歲、兩歲兒子和三個月大的BB女。為了讓貢獻社會的精神延續至下一代，她連家庭日也安排小孩參與慈善活動。她打趣道：「其實我同爹哋嘅共同話題都係講公益，有時會跟埋佢去內地考察。」說到在會計師行認識的丈夫如何過外父一關，李美辰憶起也感可笑：「男朋友去機場接機，爹哋同佢第一次見面，就問佢：『你有冇份起水壩？如果冇，但係你又有水飲，係咪應該要做番啲嘢，回饋社會？』」女兒不知如何打圓場，卻深感父親飲水思源，兼且嚴格對待任何人。