稱得上社交圈「食神」嘅中策集團主席馬時亨，食遍天下美食，但有一處地方，佢幫襯十幾年仍百吃不厭，就係灣仔萬麗海景酒店嘅滿福樓嘞。肥亨每次例必柯打火候十足嘅鯊魚骨花膠燉菜湯，湯底以老雞、火腿同鯊魚骨熬製而成，配上養顏花膠，濃郁鮮甜。嗰度嘅蜜汁叉燒遠近馳名，肥亨嫌未夠喉，仲叫多一碟蜜汁燒雞肝添！
美食當前，減肥成功嘅肥亨開懷大快朵頤，唯一戒條係不沾甜食。
鯊魚骨花膠燉菜湯
