有啲立法會議員平時開會經常「蛇」去前廳休息，五散人之一嘅立法會醫學界代表「怪醫」梁家騮都有份，但尋日佢向傳媒大聲呼冤。
怪醫話議事廳嘅座位設計唔符合人體力學，事關座位太窄，坐喺度冇位伸直對腳，企起身張櫈又頂住企唔直個人，所以坐粒幾鐘已經會好辛苦，如果平時禮拜三開大會，要由朝早十一點坐到夜晚嘅話，對膝頭關節會造成好大壓力，所以為健康着想，應該要出去行吓至得。但佢強調有經常留意電視直播，跟進會議進展，絕對唔係蛇王唔做嘢喎！