Sun角度：環保袋裝賀禮 師奶過綠色新年

為新春添上綠意，過一個環保新年，家庭主婦郭太兩年前送禮已不用花紙。「我會用個紅色環保袋裝住啲賀禮，送嗰時就同親友講，支持環保，唔用花紙。」郭太表示，其行動開始感染其他親友，「親戚朋友送得禮咁熟，都唔介意，有啲仲同我一樣，開始唔用包裝。」

果醋代洗潔精洗邋遢

吃團年飯，郭太一樣貫徹不浪費的原則。她說：「我會下廚煮團年飯，溫馨之餘，分量又易控制，就算有剩，都可以留番之後食。」至於新年大掃除，她亦要用綠色方法過新年，「用橙皮浸醋抹啲櫃，咁就唔使用洗潔精。」

郭太倒出她自製的洗潔劑，屋內即時充斥果醋的香味，她說：「都幾香㗎！如果唔鍾意隻味唔緊要，啲果醋會揮發，一陣就會冇晒味。」她一面示範一面說：「每次倒少少醋出嚟，用布點嚟抹，效果唔錯。醋又可以殺菌，唔傷手又對環境好，我一年前已開始用。」除了用果醋洗邋遢，她更會用報紙抹玻璃，「抹一、兩下就會好乾淨。」