「行騙長官」賀年片寸爆煲呔

【本報訊】港府施政一塌糊塗,有網民在新一年發揮創意,用短短一日時間,火速將曾蔭權的賀年短片改編惡搞,揶揄港府未能解決民生問題,以及拒絕王丹等來港悼念司徒華,只懂浪費公帑拍攝大堆「垃圾」宣傳片、協助地產商強搶民產、濫用香港納稅人的血汗錢興建高鐵及申辦亞運等,質問曾蔭權「點解唔做好啲施政?」

譏諷「成日拍埋啲垃圾」

曾蔭權的賀年短片在前日發表,網民昨早立即將由真人拍攝及改編的惡搞短片放上互聯網,效率奇高。惡搞短片題為「行騙長官2011福佳賀年短片」,首先由一名作兔子打扮的女演員,質問原賀年短片中的曾蔭權:「曾特首,你好得閒冇嘢做呀?成日浪費公帑拍片,拍埋啲垃圾,點解唔做好啲施政呀?」

另一名女演員之後質問曾蔭權:「王丹究竟犯咗香港邊一條法律?點解佢唔可以嚟香港呀?」手抱道具嬰兒的母親問:「特首,我買唔到奶粉畀個仔呀,一日到黑『顧全大陸』,你有冇諗過香港人呀?」最後兩名男演員則批評港府修例降低強拍舊樓門檻,以及樂意豪花數百億元起高鐵及申亞,卻不願花數億元回購東西隧解決塞車問題,質疑「究竟香港人嘅錢,係香港人定係大陸人用㗎?」

短片最後由一名扮演曾蔭權的演員向觀眾拜年:「祝大家兔年官商勾結,車毀人亡!」其他演員立即一擁而上圍毆。其中一名戴着地盤安全帽的疑似港鐵外判工人,更施以「特區保安員柔道絕技─浮腰」,將「曾蔭權」摔倒地上,藉此揶揄港府漠視菜園村暴力收地。

第一手消息請瀏覽on.cc東方互動《即時新聞》

Money18 新功能「18好路數」為你預測心水股票升跌機會率