Sun角度：50後葉澍堃世界真係多嘢玩

訪問當日，前經濟發展及勞工局局長葉澍堃一邊寫稿、一邊設宴等候來賓。驟眼看，完全不像已退休的前高官。○七年，他作了重大決定，拒絕「坐多一會」續任局長，選擇退休享受人生，為他帶來另一種快樂。

過去十二年，香港經歷的難關一浪接一浪，葉澍堃感受尤深：「對於當年嘅政府官員，都面對前所未有的大挑戰，加上相對回歸前，港人對政府要求高咗好多，局長真係比以前難做！」

昔日的生活，他形容為「人生最忙」：「以前朝早起身要睇晒所有財經新聞，有事發生就跟同事開會傾對策同點樣回應。記得當時接任經濟發展及勞工局局長，撞正失業率最高嗰時，經常被問點樣扭轉劣勢，仲有人問會唔會落台。但我就覺得落台唔緊要，最緊要有無落力！」

雖然辛苦，但他說能見證歷史，看見香港安然度過，亦覺得很不錯。他一方面讚嘆香港是福地，但又感到幸福不是必然，看着經濟漸好，他寄語港人：「最緊要樂觀！」

退休生活忙得開心

離開政府，無官一身輕，別人說工作愈忙，衰老得愈快。但他忙碌了大半生，外表比真實年齡年輕，絕不像正踏入六十大關，這與其退休生活有關：「唔使做官，唔使Sell政策，冇包袱。我鍾意打牌，但以前打可能畀人話。依家發現世界真係好多嘢玩！」

他笑說現在可能比以前更忙，轉型變身「食神」，上電視節目、撰寫專欄講飲講食，又周遊列國，探索世界，閒時唱K、打牌，還有積極做慈善，生活模式與昔日徹底不同。

不過，葉澍堃很享受這種忙碌，新一個兔年又到，他最想維持健康體魄，享受人生：「其實做人好簡單，開心就得！」