陳婉嫻轟唐英年「廢得好緊要」

【本報訊】盛傳有意角逐下屆立法會超級區議會議席的工聯會副會長陳婉嫻，昨日與逾百名長者吃團年飯時，炮轟政務司司長唐英年日前探訪長者後發放的訊息「廢得好緊要」，令人以為長者除住屋問題外，沒有其他問題要解決。對於早前唐英年就「80後」問題發表的「車毀人亡」論，陳婉嫻指這更凸顯唐「完全唔熟悉香港情況」，質疑唐發表的連串言論，「唔係講畀香港人聽」。

唐英年前日到油塘高怡邨探訪一獨居婆婆期間，誇獎婆婆居住環境「好乾淨、好『骨子』」，婆婆卻回應：「唔係呀，唔係幾方便㗎。」唐聞言即轉話題。

陳婉嫻昨日應香港防止虐待長者協會邀請，與百多名油塘區長者吃團年飯時，直斥唐英年當時根本「聽嘢聽得唔清楚」。她深信即使長者對居住環境滿意，但仍要面對通脹升溫下「錢唔夠使」的問題，只是可能長者較含蓄，才未有反映實況。

提及唐英年上月出席一個青年學術會議時，警告「80後」勿「剛愎自用」，否則「很容易車毀人亡」，陳婉嫻怒斥：「一個『80後』、一個老人家，佢（唐英年）熟唔熟香港情況㗎？」