SUN世代：苗族刺繡織出花生騷

年紀輕輕已將品牌搞得有聲有色，令人驕傲，但Prudence未因此而意氣風發，內外都予人率直、樸實的感覺。更難能可貴的是，她投放全盤心思發展自己品牌之餘，更將自己在設計上所得的經驗與年輕人分享。

Prudence工作以外非常好動，她喜歡運動，是空手道黑帶高手，更愛拿着畫簿去旅行。她的旅行目的地，不是熱門的日本或台灣，而是內地：「想多啲返內地，探訪山區學校同兒童。」她曾到山區探訪苗族居民的生活，很欣賞當地的刺繡和織布等手工藝，可惜當地條件所限，一些織布機幾近「霉到爛」，心痛優秀的手工藝被當作「爛茶渣」：「嗰度好似鄉下咁，因為啲人唔識變通，令手工藝失傳，好想幫佢哋傳承落去。」

她返港後與香港知專設計學院合辦了無數講座和展覽，又糅合經過改良的當地刺繡和織布，大搞fashion show，分享自己的所見所聞之餘，亦寄語年輕人要擴闊眼界：「希望藉住當地文化，宣揚畀新一代知，唔好淨係識得去東京同台北，好多地方都有值得欣賞嘅事物。」