今晚嘅團年飯意義重大，好多出咗埠嘅名人都喺尋日趕返香港，尋日機場VIP出入口，就有金融管理局總裁「攞命陳」陳德霖同陳唐芷菁兩公婆，同埋有「新金王」之稱嘅金至尊主席黃英豪夫婦，急急返香港梗係歡度新歲喇。
不過，可持續發展委員會主席陳智思（Bernard）就揀尋日出發去泰國，Bernard嘅父親陳有慶係泰國華僑，一家人每年例必返泰國過新年，今個農曆新年都唔例外，佢尋日中午啟程到泰國，直到年初四才返港。
陳德霖（右）與陳唐芷菁（左）兩夫婦剛公幹完返港，準備歡度新春佳節。
泰國華僑陳智思尋日啟程返泰國度新歲。
黃英豪夫婦去完美國波士頓傾鑽石生意回港。
