政情：鄉議局記招流料跣傳媒
受到高鐵工程影響嘅菜園村收地問題沒完沒了，近期又再爆出菜園新村嘅路權問題，尋日年廿九，政圈已開始準備過年，鄉議局卻突然發出採訪通知，話主席劉皇發將就事情舉行記者會，一時風傳，路權談判嘅僵局應該解決咗，傳媒亦急急腳湧到鄉局等「好消息」。
不過，原定晏晝五點舉行嘅記者會，卻有前冇後，現場雖見鄉局工作人員準備好會場，仲大大隻字掛埋菜園村路權事宜記者會等橫額，可惜發叔遲遲未現身，傳媒焦急之際，更有位鄉議局職員殺出嚟，派發一份澄清聲明，話早前嘅採訪通知純屬誤發。
唔係嘛，竟然年廿九都咁大整蠱？仲以為虎年將盡，鄉議局會畀菜園村村民一個好消息添。