包機難搭 港客自行撲位

【本報訊】有滯留埃及的旅行團靠旅行社撲得機位，昨晚經曼谷轉機返港，團友不滿政府遲遲未有派出包機，又指內地包機提供予港人的機位太少。金怡假期埃及十天團四十三名團友及一名領隊，原已向中國駐當地大使館登記搭包機，但遲遲未獲機位，反而自行購買另一航空公司的班機較早起飛，他們遂放棄包機。

斥港府完全幫唔到手

其中一名團友林小姐氣沖沖指摘港府在今次事件上「完住幫唔到我哋」，認為當局決策失當：「中國包機大部分畀內地人搭，第一班機香港人得好少位，根本一定搭唔到，唔明政府點解唔派包機！」

另一名姓林女團友則稱，該團上月二十九日抵達當地酒店後發覺事態嚴重，決定取消行程回港，但需在酒店留宿一晚，「當晚酒店外有幾十部坦克，又聽到好多槍聲，真係好擔心。」翌日他們抵達機場後始知因局勢混亂，飛機未能如期起飛，被迫在機場留宿。

金怡假期董事長葉慶寧認為，政府根本不了解當地情況，以致旅行社冒險出團，令他們出團後需臨時折返，結果令旅客受罪，其後亦需自行取消上周六出發的旅行團，「一切都靠旅行社自己決定，以後有咩都唔會信晒政府！」