由保良局副主席鄭錦鐘發起嘅九龍西潮人聯會，三月二十號將首次舉辦「九龍西潮州節」，搵埋玩具大王蔡志明囝囝蔡加讚做籌委會主席。潮州節為期一個禮拜，頭炮係千人大巡遊，巡遊隊伍邊行邊表演潮州大鑼鼓，仲有表演梁山好漢精神嘅「英歌舞」等。蔡加讚仲喺商場大搞潮州美食、潮州工藝品同潮州四市等展覽。
蔡加讚（左）同鄭錦鐘（右）合力搞「九龍西潮州節」，推廣潮州文化。
