City Parade：驅寒春風

寒流未退，春風已喺會展吹起！受名媛淑女吹捧嘅時裝品牌mademoiselle，上周四舉行春夏時裝騷。Moiselle太子爺兼創作總監陳柏熹參透女人心事，今季致力營造法國少女油畫家感覺，讓一眾忙碌奔波嘅時代女性，重拾生活中被遺忘嘅佻脫情懷。行善，令人如沐春風。理大上周五喺尖沙咀The Mira舉行慈善晚宴，多位名人校友出錢出力撐母校。港產設計師Vivienne Tam身在海外，仍捐出一襲曾喺上海世博會展出嘅中式旗袍作拍賣。

何超盈撐緋聞男友

賭王何鴻燊千金何超盈曾與Moiselle太子爺陳柏熹傳緋聞，呢晚佢大方撐場，力證友情經得起考驗。

陳欽杰舉家打氣

主人家慕詩國際主席陳欽杰（左二）與太太（右一）、囝囝陳柏熹（右二）及囡囡陳蕾安（左一）齊為春夏時裝騷打氣。

Janice Man潮捧花生騷

陳欽杰搞時裝騷，請嚟名模Janice Man撐場。

何志恩毛毛褸冇得彈

著名時裝設計師何志恩身形高挑，carry毛毛長褸，駕輕就熟。

任葆琳靚衫優先睇

轉季在即，名媛任葆琳率先睇靚衫，不讓自己落伍。

曾昭怡閃爍時裝界

已故米王曾紀華孫女曾昭怡係時裝設計界新星，睇騷點少得佢？

理大慈善晚宴

鄺美雲熱情迎賓

理大辦喜事，身為晚宴籌委會主席的鄺美雲親自招呼賓客。 （霍振鋒攝）

蔡李惠莉新春遊澳洲

玩具大王蔡志明太太蔡李惠莉預告新年舉家遊澳洲歎世界。

麥羅武捐畫籌50萬

理大榮譽大學院士麥羅武（右）捐出畫作《如意》，為大學籌得五十萬元，旁為麥太。