政情：丁午壽變身玩具電車男
工業總會前主席丁午壽（Kenneth）六八年喺美國伊利諾大學機械工程畢業後，就返港接掌家族玩具公司嘅生意，家吓開達位於內地嘅廠房聘請超過一萬員工，最近Kenneth有新搞作，靈機一觸開發可行駛嘅電車玩具，睇怕最快有得玩嘅應該係佢囝囝丁天立同新抱何穎雯一對幾歲大嘅仔女。
Kenneth兩父子由下周年三十晚食團年飯至年初三都一齊度過，年初四開始就各自各精彩。Kenneth兩公婆初四將啟程到上海浦西間度假屋住幾日，欣賞雪景之餘，仲會食涮羊肉及品嘗最鍾意嘅藍芝士火鍋，玩完幾日後，佢就會前往參加江蘇省政協會議。至於丁天立一家四口就選擇到日本滑雪，玩到年初十才回港，節目同樣豐富。
丁午壽嘅玩具王國已開發逾千種玩具，主力發展火車模型。