維園年宵攤位尋日開始運作，政黨都開始布重兵做宣傳，尋日公文袋一眾高層落去撐場，新領導層包括主席陳家洛、黨魁梁家傑等都亮相。呢班讀番書大嘅公文袋新進都有寫吓揮春，不過，其中一副對聯別出心裁，寫住「剛愎自用乃政府 關門皇帝是英年」，睇到就笑爆嘴。
佢哋都趁年宵攤位賺吓新年錢，現場擺咗唔少創意產品，如「我愛檸Tea 唔愛OT」嘅T恤同埋一批書籍嚟賣。
梁家傑（左）同陳家洛坐鎮維園年宵攤位。
公文袋將呢副對聯送畀「80後」，揶揄政務司司長唐英年亂咁鬧人。
