政情：性別議題玩殘鄧國威
語言要簡潔，偏偏特區政府好多計劃嘅名都好似匹布咁長，有啲雖然係中文，但講完都唔知佢講乜，尋日立法會財務委員會開會，審批嘅其中一個撥款係開立職位處理關愛基金嘅撥款事宜。不過，出席解畫嘅勞工及福利局常秘鄧國威就畀一匹布咁長嘅名玩死。
因為議員審批撥款時，紛紛質疑呢個計劃幫唔幫到女性就業，有人仲質疑咁樣達唔到「性別觀點主流化」嘅目標，乜嚟㗎﹖即係協助女性就業達致兩性均衡囉，鄧國威被議員轟到口窒窒，多次將「性別觀點主流化」講成「性別主流化」，雖然只係少咗兩個字，但意思更加唔明，結果又畀議員嘲笑連名都講錯。
鄧國威跌落地
番揸沙，反駁話將個名縮短啲，可以慳番啲時間喎。咁都得﹖