政情：「唔揪得」細個最愛打書釘
瓣數多多嘅工聯會尋日出版咗本《勞苦工高》嘅新書，一眾負責人撐場，包括理事長吳秋北、副會長林淑儀同陳有海等，勞工及福利局局長張建宗同中聯辦官員亦有出席。本書搵咗中聯辦主任彭清華、立法會主席等政界名人寫序。
吳秋北話，今次係工聯會第一次出版研究報告型嘅書籍，籌備過程中花咗好多心血，亦有邀請學者畀意見，希望透過本書讓各界更明白勞工之苦，鞭撻政府走多兩步。
花名「唔揪得」嘅吳秋北好有書卷味，一睇就知道係鍾意睇書嘅人。果然「唔揪得」讀書時期已經好喜歡睇書，仲不時孖埋同學仔去啲樓上書店打書釘添，佢最鍾意係古典小說，至愛《紅樓夢》。
好可惜，佢話近年冇時間行書店，不過就仍然保持閱讀習慣，只係轉咗去睇電子書，不愧係名副其實嘅準文學博士！
吳秋北細細個已鍾意睇小說，讀書時經常去樓上書店打書釘。