塌樓喪子母未走出陰霾
【本報訊】一年前的今天,年僅二十歲預科生童慶濤,慘成土瓜灣塌樓事件下亡魂;一年後的今天年關將至,童媽媽仍未走出陰霾,更直言「(承建商)點賠都冇用,賠唔番個仔畀我」。最近童媽媽的大女兒阿珂終獲內地批准,可提交單程證申請,「依家已將所有寄託放在女兒身上,希望佢可以快啲落嚟,畀我信心、支持」。
看到遺物仍會痛哭
看到兒子的遺物仍然會痛哭,每晚在睡夢中仍會驚醒。一年雖已過去,但童媽媽仍面容憔悴,坦言「一啲都冇開心過」。下月十六日土瓜灣馬頭圍道四十五號的樓宇承建商將接受聆訊,童媽媽悽然道「希望還番個公道畀我個仔,但就算佢哋點賠都冇用,賠唔番個仔畀我」。
唯一給童媽媽安慰是本周初母女二人接獲內地部門通知,可讓女兒提出單程證申請。童媽媽稱,目前僅靠積蓄及有心人捐贈過活,女兒需經常往來中港兩地,已辭去工作,「希望佢可以快啲落嚟、搵份工,如果我情況好啲,都想做嘢,唔想拎綜援」。
想起愛兒,童媽媽(右)不禁悲從中來。