前日下晝喺中環置地廣場見到恒豐證券董事總經理張華峰行街Shopping。見佢挽住兩個大紙袋，其中一個係名店Burberry嘅，原來佢一次過買咗五條Burberry新款頸巾，有灰、藍、黑三色。佢話估計農曆新年天氣繼續寒冷，送頸巾畀生意上嘅朋友可以即時戴住保暖，配襯長身大褸更加好睇又有型喎！
張華峰挽住兩大袋物品，其中一袋係送畀生意朋友嘅Burberry頸巾。
